Tokaa We Tkoom - Massar Egbari

وتقع وتقوم وتقوم وتقع

في الفرح دموع ودموع يا وجع

مين قال مقسوم كداب يا ودع

ده إنت اللي في إيدك طرف الخيط

في الزحمة وشوش جاية وبتروح

خايف على قلبي يبات مجروح

ضحكة من الحلوة ترد الروح

تفتح شبابيك و ببان البيت

أنا صابني الحزن ماقولتش ليه

وعاندني الحزن قدرت عليه

ويا بحر حلفت إني أعديه

ويفوت العمر لو إستنيت

دقيت على الصبر فتحلي الباب

وحكالي هموم كل الأحباب

ويا فرحة إترسمت بعد غياب

وقالتلي إتفضل لما ناديت

الحلم براح والكون مشاوير

والغنوة جناح ياخدك ويطير

ده العشق مالوش أصل وتفسير

ويبان في عيونك مهما داريت

أنا صابني الحزن ماقولتش ليه

وعاندني الحزن قدرت عليه

ويا بحر حلفت إني أعديه

ويفوت العمر لو إستنيت

الناس فوازير وسطور حكايات

وساعات براويز وساعات متاهات

ودموع بتدوب وسط إبتسامات

تضحك دمعاتك لو حنيت

مكتوب للغايب يوم هيعود

مكتوب للغصن يضم ورود

من حضن الليل فجرك مولود

وتبات ونبات جاية الحواديت

أنا صابني الحزن ماقولتش ليه

وعاندني الحزن قدرت عليه

ويا بحر حلفت إني أعديه

ويفوت العمر لو إستنيت