Ya Khal - yunis

يا خال يا خال\nتعبان يا خال\nم الدنيا يا خال\nوناسها يا خال\nصحابنا يا خال\nفي أجازة يا خال\nكلهم شمال\nمفيش حد شيال\nاللي استجدعنا معاهم\nمكانوش صافيين من جواهم\nواللي في قلبنا شيلناهم\nعملوا ملصان يا خال\nيا خال. يا خال\nشفت كتير م الدنيا وعمري ما قلت الآه\nمجاليش واحد على سكة مكنتش جدع معاه\nعمري ما كنت ناقص طول عمري سندال\nلقمتي بعرق جبيني مليش غير في الحلال\nربك كان معايا عفيني من السؤال\nيا خال. يا خال\nما دام القعدة حلوة والسهرة صباحي\nبعد إذن كل راجل جدع ومين معاه\nنرجوا أخذ الانتباه.\nدخل الولد على خاله يشكيله حاله وهمه من الدنيا\nرد عليه خاله وقال يعلمه م اللي اتعلمه من الدنيا\nدنيا الفقير موَّال ودنيا الغني مزامير\nوالغنا مش بالمال الغنا غنا النفس وعندي ألف دليل\nوالدنيا ظالمة زيها زي ناسها\nوالسالك فيها مش هيدوق غير الذل من ناسها\nوالندالة فيها زي عمود البيت بنيتها وأساسها\nوالرك في الدنيادي م ع اللي قال\nمهو القول أصله ببلاش\nالرك على اللي يعمل الحاجة\nيعملها وميقلهاش\nوفي الدنيا دي الصبر بيتعرف برجاله\nوالجدع الجدع محدش بيبكي عليه\nهو وحده بيبكي على حاله\nوكتر البكى يعلم الأسى\nوالحزن لو ملك القلب ميطلعشي\nوالفرَح لو حل مراكبه يروح ميرجعشي\nيا ولدي هقولك كلمة واحدة وتسمعها\nالرك مش ع القايل الرك ع السامع\nاللي ياخد الدنيا عافية والله مهو نافع\nواللي يعيشها مطاطي والله مهو نافع\nفاسمع وركز في اللي هقوله الجاي.\nرد الغلط بالغلط وقت الغلط مش غلط\nوالصح لو مع غلط يبقى أكبر غلط\nوإحنا ملناش في الغلط\nملناش في سكك الغلط\nمش معروفين بالغلط\nمش من صفاتنا الغلط\nمبنمشيش في غلط\nدول خاينين يا خال\nبياعين يا خال\nتعبانين يا خال